Санитардык абалдын деңгээлин баалоонун негизги критерийлерине төмөнкүлөр кирет:

Даараткананын жана ажатканалардын болушу: Билим берүү мекемелери окуучулар жана кызматкерлер үчүн жетиштүү ажатканалардын саны менен камсыз кылууга тийиш.

Ажатканалардын түрү: Жакшыртылган ажатканалар гигиена жана комфорттун стандарттарына жооп берет, ал эми начар жабдылган дааратканалар керектүү санитардык талаптарга жооп бербестен колдонууга жараксыз болушу мүмкүн.

Сегрегация: Эркектер жана аялдар, кыздар жана балдар үчүн өзүнчө ажатканалардын болушу купуялуулукту жана ыңгайлуулукту камсыз кылуу үчүн маанилүү.

Оптималдуулук: Окуучулардын санына карата ажатканалардын саны боюнча сунуштарды аткаруу керек. Бүткүл дүйнөлүк саламаттык сактоо уюмунун сунуштарына ылайык, мектепке чейинки балдар мекемелери үчүн 25 балага ылайыкталган бир ажаткананы, башталгыч жана орто билим берүү уюмдары үчүн 30-50 орундуу бир жакшыртылган ажаткананы түзүү сунушталат. Кызматкерлер үчүн 20 кишилик бир жакшыртылган ажаткана.

Кошумчалай кетсек, 2023-жылдан тарта ден соолугунун мүмкүнчүлүктөрү чектелүү адамдар үчүн ажатканалардын болушу да эске алынат. Буга ден соолугунун мүмкүнчүлүктөрү чектелүү адамдарга өз алдынча пайдаланууга мүмкүндүк берген атайын жабдылган жуунучу бөлмөлөр кирет.

Гигиеналык деңгээлге колдун негизги гигиенасы, жуучу жайлардын болушу жана суу менен самындын болушу сыяктуу факторлор кирет, мында жуучу жайларды ажатканалардан 10 метрден алыс эмес жерге коюу сунушталат. Билим берүү мекемелери окуучулардын жана кызматкерлердин колдорун жууп турууга мүмкүнчүлүктөрдү камсыз кылышы керек. Суу жана самыны бар кол жуугучтар жогорку дэңгээлде гигиенаны сактоо үчүн ыңгайлуу жерлерде болушу керек.